اسلام فتحي يكتب: بوكسر - ريد

القائمة الرئيسية
الرئيسية
اهم الاخبار من كل المواقع حصريا
شهر رمضان الكريم جديد
نتائج الامتحاناتِ
أخبار الامتحانات والنتائج
نماذج امتحانات واسطونات تعليمية
الاحداث في صور حصريا
الرياضة
الاقتصاد
الحوادث
سينما
الفن
تكنولوجيا معلومات
نكت
شارك برأيك
صور نادرة
السياسة
فيديوهات نادرة
مقالات القراء

خدمات الموقع
مواقيت الصلاة لمدينة القاهرة
حالة الطقس بمصر
أكبر تجمع لخدمات المواطنين
خريطة الموقع
الترجمة من اي لغة الي اي لغة
العاب 07775500
أضف مقالك
مواقع تهمك
أرقام تليفونات تهمك
أجعلنا الرئيسية
أضفنا الي المواقع المفضلة
أسعار إعلانات موقعنا

تهيئة الخبر للطباعة

اسلام فتحي يكتب: بوكسر - ريد - بكرانيش

عدد مرات القراءة 536

تاريخ ووقت اضافة الخبر 7/22/2010 12:00:00 AM

- بوكسر – ريد - بكرانيش..!

في عبارة روتينية لمشاهدة فتارين المحلات ومعروضاتها قالت لي خطيبتي
- شوف... اللون الأحمر طالع لنا ..!
- فسألتها ببراءة الجاهل يعني إيه طالع ؟
- فقالت لي مغتاظة: يعني الموضة السنة دي للبنات الأحمر
وقبل أن تكمل صرخت فرحة ..شوف .. ده طالع لكم انتم كمان
لا أعلم سر سعادتها الغامرة بإن اللون الأحمر طالع لنا وكأنه وحمة .
طالع = موضة ،هذه أولي المعلومات التي أستقيها من سموها حفظها الله بعد الخطوبة ،وللزواج فوائدٌ أخري يا عزيزي..أهمها أنه كالصيد يعلمك الصبر وطولة البال ويعلمك كلمة "حاضر يا حبيبتي" حتي ولو لم تفعل ..صدقني لها مفعول السحر.
المهم خلينا في اللون الأحمر اللي طالع لنا .
الألوان والموضة لم تقتصر فقط علي القمصان والبناطيل والبلوزات ،كنت مثلكم جاهل أظن ذلك حتي الصباح الذي أصرت فيه خطيبتي أطال الله في عمرها وقصر في عمر إصرارها الذهاب معها للجامعة بغرض تصوير بعض الأوراق..
الجامعة ..ياله من مكان رائع ..محراب العلم ..ومهد العلماء.. ومنبر الخطباء
ولكنه أيضا مكان لكل أنواع الكرانيش اللي في الدنيا..نعم عزيزي..
الجامعة بيئة خصبة جدا تعرف منها كل أنواع الموضة وخصوصا في البوكسرات والكرانيش ..
أحمر ..أزرق ..أصفر كناري ..أخضر...بفته ودمور ..بكرانيش ومن غير.. وعلي كل لون يا باطيستا.. موضة وتقليد تعدي الحدود ..فياساعدك يا هناك تبقي أمك داعية لك لو الأنسة بكيزة حبت تعمل كده ولا تيجي كده يستطيع كل أخصائي في الموضة أن يفهم قصدي ،أو شغال في المساحة تقدر وقتها تمسح المنطقة جيولوجيا لتحديد كل المرتفعات والمنخفضات.
أنا لا أنصح الشباب لا سمح الله بتحين الفرص للمسح الجيولوجي ..أنصح مين ؟ بلا خيبة ..دا الشباب عايزين اللي يمسح لهم ..جيولوجيا يعني .. هما كمان بيحبوا يعملو كده ..وكده..!
تلاقي الخنفس معتز ببوكسره قوي ..
صباح الخير يا توتو ..لون بوكسرك يجنن
الله يخليك ياحياتى ...اتفضله..انت كمان بوكسرك لونه يهبل ..اللون الفوشيا عليك يجنن
جبته منين ..دا انا دايخ عليه ..!!
أثناء شرودي في الوقعه المهببة اللي شايفها قدامي مر من أمامي شاب..مش شاب عادي كده زينا ..دا بسم الله ما شاء الله فحل.. ويرتدي بوكسر بمبي ..!
ويـُهيئ لي والله أعلم إنه لا سمح الله كان مسخسخ..
البوكسر اللي مسخسخ مش الواد.. ها ؟ عارف نواياكم
وقتها حسيت اني جاهل ومش مساير الموضة خالص..فذهبت الي محل البوكسرات وعزمت شراء واحد اعلقه في غرفتي بدل لوحة الولد العبيط اللي بيضحك ..اشمعني انا يعني..
تلقفني البائع من لحظة دخولي المحل
..صباح الفل يا باشا ..
بتدور علي لون معين حضرتك ؟
فرفعت حاجبي محتار بعيد عنكم
فأمسك بلون أخضر مشجر كان أمامه..
طب تصدق بايه البوكسر ده كان رايح المانيا وأمريكا ..تصدير بقي عقبال أملتك ..!
ومتكلمين عليه في لندن والموسكي والعتبة وحياتك عندي..
وطالبينه بالإسم في لبنان وتونس الخضرا عشان أخضر يعنى ..
بس تقول ايه ..
ايييييييييه النصيب بقي..عشان حمادة يلعب..!
فسالته في زعر: حمادة مين حضرتك ..؟
فمال عليا وقال لي وهو يغمز: مش البيه حماده بردو ؟
فقلت له : متشتمش لو سمحت أنا مش خنفس ..
أنا عايز بوكسر أحمرعشان يمشي مع لون الحيطة .. متفهمنيش غلط
فابتسم وقالي .. بوكسر ريد بكرانيش يعنى؟ ..طلبك عندي ..ولا يكون عندك فكر..
أما خطيبتي..فحرمت تاخدني معاها تاني في أي حتة .. والله يرحم الرجولة ..
وعجبي..

كتب/ اسلام فتحي